Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Төмәндәге KFC рестораны «хәләл» стандартына күчте
Төмәннең Үзәк универмагында урнашкан KFC ресторанында хәләл меню барлыкка килде. Бу хакта «Самар татарлары» сайты хәбәр итә.
Җәмәгать туклануы оешмасы «хәләл» стандарты буенча җитештерүне раслый торган таныклык алды. Компания вәкиленә документны төбәк мөфтие Зиннәт хәзрәт Садыйков тапшырды, дип хәбәр итә «Ямал-Медиа» Төмән өлкәсе мөселманнары координация советына сылтама белән.
Хәләл менюга әлегә шәһәр үзәгендә урнашкан бер ресторан гына күчкән. Биредә менюның ислам таләпләренә туры килүен тикшергәннәр. Комиссия ашларның сыйфатын өйрәнгән, ресторанда продукцияне ислам нормаларын исәпкә алып әзерләү һәм сату шартлары үтәлгән дигән нәтиҗәгә килгән.
Продукция кабына хәзер аның «хәләл» стандартына туры килүен раслый торган кәгазь ябыштырылачак.
- Шунысын да искәртик: Төмән өлкәсендә яшәүчеләрнең 10-15 процентын мөселманнар тәшкил итә.
Кызыклы яңалыкларны күзәтеп бару өчен Телеграм-каналга язылыгыз