Төмәндә яшь кәләшләр өчен беренче тапкыр «Кияү пилмәне» бәйгесе узды
Скопировать ссылку
Төмәндә яшь кәләшләр өчен беренче тапкыр «Кияү пилмәне» дип исемләнгән матур конкурс оештырылды. Кызлар яраткан ярлары өчен үз куллары белән пилмән ясарга өйрәнделәр. Бу хакта «Яңарыш» газетасы яза.
Бәйгедә, борынгы җирле татар гадәте буенча, камырны турыпочмакларга кисәләр. Турыпочмаклы итеп бөрү бик символик мәгънәгә ия: камыр уртасына ит салына, капма-каршы ике почмагы тоташтырыла — шулай итеп «өйчек» барлыкка килә.
Өчпочмакның аскы ике почмагы бер яктан кияү нәселен, икенче яктан кәләш нәселен аңлата, алар бергә кушыла. Ә мондый пилмәнне әйләндереп карасаң, ул йөрәк формасын ала. Яңа гаиләнең мәхәббәт һәм тугрылык билгесе булып тора, диелә хәбәрдә.
- Кияү пилмәне — татар милли кухнясының традицион ризыгы. Борынгы гадәт буенча, аларны кәләш үз куллары белән ясый. Бу эш аның мәхәббәтен һәм уңганлыгын раслау максаты белән башкарыла. Бу пилмәннәрнең төп үзенчәлеге — бик нәфис, вак булуы һәм хуш исле шулпада бирелүе.