Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Төмәндә хатын-кызлар өчен мөселман ярминкәсе булды
23 мартта Төмән шәһәренең «Урарту» ресторан комплексы мәйданчыгында традицион хатын-кызлар мөселман ярминкәсе үткәрелде. Бу хакта Россия Федерациясе мөселманнары Диния нәзәрәтенең Мөфтиләр шурасы хәбәр итә.
Төмәндә мондый ярминкәләр соңгы берничә ел дәвамында төп мөселман бәйрәмнәре алдыннан уздырыла. Чараларны Төмән шәһәре хатын-кызлар мөселман җәмгыяте активистлары оештыра. Бу юлы ярминкәне оештыручылар чараны зур ифтар белән йомгакларга булган.
Ярминкә – ул мөселман хатын-кызлар потенциаль сатып алучыларны товарлары белән таныштыра яки үз хезмәтләрен һәм үзләре җитештергән продукцияне тәкъдим итә ала торган урын. Күргәзмә стендларында дин таләпләренә туры килә торган традицион хатын-кыз киемнәре, «Хәләл» стандарты буенча әзерләнгән туклану продуктлары, бизәнү әйберләре, уенчыклар һәм көнкүрештә кирәкле булган башка бик күп әйберләр тәкъдим ителә.
Кечкенә мөселман кызлар шулай ук үз куллары белән эшләнгән әйберләрен кунакларга күрсәтә һәм тәкъдим итә алды. Ярминкәнең кечкенә кунаклары өчен шәмнәр, йомшак пластилиннан һәм синель чыбыктан эшләнмәләр ясау буенча мастер-класслар үткәрелде, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз