Татар дөньясы 19 февраль 2024 21:53

Төмәндә «Таң йолдызы» һәм «Халык сәнгате» иҗат бәйгеләренең район турлары башланды

Скопировать ссылку

Төмән «Яңарыш» газетасында XXXIIIнче «Таң йолдызы – 2024» өлкә балалар иҗаты, XIXнчы «Халык сәнгате-2024» өлкә үзешчән сәнгать иҗаты конкурсларының районнарда турлары башлану турында хәбәр иттеләр.

17 февральдә Төмән районының Каскара мәдәният йортында; 18 февральдә Төмән шәһәренең татар мәдәният үзәгендә тур узды.

Киләсе чаралар графигы:

25 февральдә 12.00 сәгатьтә Вагай мәдәният йортында;
28 февральдә 11.00 сәгатьтә Яркәү мәдәният йортында;
2 мартта 11.00 сәгатьтә Түбән Тәүде районының Чугунаево авыл мәдәният йортында;
20 мартта 11.00 сәгатьтә Тубыл шәһәренең 15нче мәктәбендә (Тубыл шәһәре һәм Уват, Тубыл районнары өчен);
26 мартта 12.00 сәгатьтә Аромаш районының Новопетровский авыл мәдәният йортында;
27-28 мартта 11.00 сәгатьтә Ялутор районының Аслана татар мәдәният үзәгендә (Ялутор шәһәре, Ялутор, Исәт, Заводоуковск районнары өчен) иң сәләтлеләр сайлап алыначак.

Апрель аенда (көне соңрак хәбәр ителер) алар гала-концертка җыелырлар, оештыручылар зур бәйрәм вәгъдә итәләр.

#Төмән татарлары

Сәхифәләр

Төмәндә «Таң йолдызы» һәм «Халык сәнгате» иҗат бәйгеләренең район турлары башланды