Төмәндә Сара Садыйкованың 120 еллыгына багышланган ретро-концерт узачак
Скопировать ссылку
22 ноябрьдә 12:00 сәгатьтә Төмән Татар мәдәнияте үзәгендә бөек композитор, җырчы һәм актриса Сара Садыйкованың тууына 120 ел тулуга багышланган тантаналы программа — «Халкыбызның моңлы сандугачы» дип аталган ретро-концерт узачак. Бу хакта Төмән Татар мәдәнияте үзәге хәбәр итә.
Сара Садыйкованың көйләре күпләргә балачактан таныш. Әлеге чарада без аның иҗаты турында сөйләшәчәкбез, мкзыкаль мирасын барлаячакбыз һәм сәнгать әһелләре катнашында милләтебезнең бөек кызын искә алачакбыз, диелә хәбәрдә.
Оештыручылар тамашачыларны яраткан көйләрне яңа башкаруда тыңларга һәм матур чарада кунак булырга чакыра.
Керү ирекле.
