Төмән мөселманнары Диния нәзарәтенең «Татар мәдәнияте мирасы» клубы «Әбиемә багышлап» акциясен үткәрергә тәкъдим итте. Ул әбиләрнең балаларны һәм яшүсмерләрне тәрбияләүдә зур ролен исәпкә алып, мөфти Зиннәт хәзрәт Садыйков фатихасы белән үткәрелә.
Аның кысаларында Рамазан аенда гаилә ифтары оештыру өчен акча җыю игълан ителде. Акциягә кушылучылар үз әбисе исеменнән сәдака бирә ала. Россия Мөфтиләр шурасының матбугат хезмәте хәбәр итә.
7 апрельдә акча җыю тәмамлангач, гаилә ифтарын үткәрү урыны һәм вакыты турында хәбәр ителә.