Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төмән өлкәсенең Карагай татар авылын су баса
Соңгы тапкыр Карагайда мондый ташу 2016 елда булган, һәм хәзер су күләме 2016-2017 елгы күрсәткечләрдән узып киткән.
![Төмән өлкәсенең Карагай татар авылын су баса](https://tatar-inform.tatar/resize/shd/images/uploads/news/2024/5/16/7e26ef2336fa0db14cb34fc416286dea.jpg)
Төмән өлкәсе Вагай районында урнашкан Карагай татар авылын су баса башлаган. Бу хакта «Татар-информ» хәбәрчесенә Россия Герое Рөстәм Сәйфуллинның туганнан туганы – Илмар Сәйфуллин хәбәр итте.
«Су авылның төп өлешенә керә башлады, кичә атларны эвакуацияләделәр. 14 май көнне Карагайга Төмән өлкәсе губернаторы Александр Моор килгән иде. Халык яр буен ныгытуны дәвам итә, төнлә дә эшлиләр», – диде ул.
Александр Моор Телеграм каналында үзе дә Карагайга барганы турында яза. «Авылда саклау корылмаларын ныгыту буенча эш ничек барганын карадым. Бу торак пункт Иртеш елгасында ташуны беренче булып каршылый. Соңгы өч тәүлектә су инде 60 см га өстәлде. Хәзер бөтен игътибарны куркыныч зонадан халыкны чыгаруга, малларны саклап калуга юнәлтәчәкбез. 66 йортка су басу куркынычы яный. Балчык тутырылган капчыклар запасын булдыру зарур», –дигән.
Моор соңгы тапкыр Карагайда мондый ташу 2016 елда булганын һәм хәзер су күләме 2016-2017 елгы күрсәткечләрдән узып киткәнен әйтә. 15 майга иртәнге якта Иртештә су күләме 1235 см тәшкил иткән. Губернатор Карагайда МЧС коткаручылары, полиция хезмәткәрләре кизү торганын билгеләп узган. Алар ташу вакытында туганнарына күченеп торган кешеләрнең милекләрен саклый.
![](https://tatar-inform.tatar/images/uploads/f23284f4c8c359be673b77b8531581cd.jpg)
Фото: ©
Кызыклы яңалыкларны күзәтеп бару өчен Телеграм-каналга язылыгыз