Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төмән өлкәсендә хәләл туңдырма җитештерә башладылар
Төмәннең «Ландис» компаниясе хәләл туңдырма җитештерүне җайга салды. Ул предприятиедә тыелган ингредиентларны кулланмавын раслап, «Хәләл» сертификаты алган. Бу хакта Төмән өлкәсе агросәнәгать комплексы департаментына сылтама белән Россия Мөфтиләр шурасының матбугат хезмәте хәбәр итә.
«Бүген Төмән җитештерүчеләре хәләл туңдырма ясауның яңа линиясен эшләтеп җибәрде. Предприятие Төньяк Кавказның «Хәләл» сертификация үзәгендә сертификат алган. Шулай итеп, Төмән җитештерүчесе предприятиедә тыелган ингредиентларны кулланмавын раслады», диелә хәбәрдә.
«Ландис» җаваплылыгы чикләнгән җәмгыять предприятиесендә 40 төрле туңдырма ясыйлар. Узган ел 1 200 тоннага якын продукция җитештерелгән.
«Ханты-Манси автономияле округы, Ямал-Ненец автономияле округы һәм Свердовск өлкәсендә яшәүчеләр Төмәндә җитештерелгән туңдырманың тәмен яхшы белә. 2023 елда продукцияне зур сәүдә челтәрләренә чыгара башладылар, бу бөтен Россия буенча диярлек туңдырма сату географиясен киңәйтү мөмкинлеге бирә», - диделәр департаментта.
Кызыклы яңалыкларны күзәтеп бару өчен Телеграм-каналга язылыгыз