Төмән өлкәсе Ялутор шәһәрендә татар мәдәнияте көннәре башланды
Скопировать ссылку
23-28 мартта Төмән өлкәсе Ялутор шәһәре Милли мәдәниятләр үзәгендә татар мәдәнияте көннәре уза. Бу хакта ВКонтакте социаль челтәрендәге «Себер татар дөньясы» төркеме хәбәр итә.
Программада түбәндәге чаралар планлаштырылган:
- Россия халыклары бердәмлеге елына багышланган «Себер татарларының традицияләре һәм йолалары» туган якны өйрәнүчеләр дәресләре;
- «Милли галерея» мәдәни-этнографик проектыннан татар милли аяк киеме – читек ясау буенча мастер-класс;
- «Шүрәле» интерактив спектакле;
- «Сандугач» татар җыры вокаль ансамбле концерты.
Катнашучыларны милли традицияләр, тере музыка, иҗат һәм җылы атмосфера көтә, диелә хәбәрдә.