Төмән өлкәсе татар автономиясе «Татар мирасы энҗеләре» дип аталган проект тәкъдим итә
Скопировать ссылку
Төмән өлкәсе татар милли-мәдәни автономиясе белөн «Минем китапханә» өлкә учреждениесе уртак проект тәкъдим итә. «Татар мирасы энҗеләре» программасы кысаларында кунакларны бай һәм кызыклы мәдәни программа көтә. Бу хакта ВКонтакте социаль челтәрендәге «Себер татарлары» төркеме хәбәр итә.
Чара программасы:
- татар халык уеннары һәм конкурслар;
- хатын-кызлар милли бизәнү әйберләрен ясау буенча мастер-класслар;
- декоратив-гамәли сәнгать күргәзмәсе;
- иҗади концерт программасы.
Әлеге проект – татар халкының бай мәдәнияте, гореф-гадәтләре һәм иҗаты белән якыннан танышу өчен менә дигән мөмкинлек, диелә хәбәрдә.
Чара 16 майда 14:00 сәгатьтә башлана. Керү ирекле.
Фото: ВКонтакте социаль челтәрендәге «Себер татарлары» төркеме