Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Төмән өлкәсе мөселманнары Мәүлид ән-Нәби бәйрәмен билгеләп үтте
14 сентябрьдә Төмән өлкәсе башкаласында Мөхәммәд Пәйгамбәребез салләллаһу галәйһи вә сәлләмнең туган көненә багышланган тантаналы чара узды. Бәйрәмне Төмән өлкәсе мөселманнары Диния Нәзарәте оештырды. Бу хакта Россия мөселманнары Диния нәзарәте Мөфтиләр шурасы хәбәр итә.
Чара башында Түбән Тәүде районы имам-мөхтәсибе Сәлимҗан хәзрәт Сәмәдов башкаруында Изге Коръән аятьләре яңгырады. Төмән өлкәсе мөселманнары Диния нәзарәте рәисе, мөфти Зиннәт хәзрәт Садыйков, чараны ачып җибәреп, җыелган кунакларга мөселманнар гамәлләрен һәм омтылышларын Пәйгамбәребез салләллаһу галәйһи вә сәлләмнең әхлакый сыйфатлары үрнәгендә корырга тиеш, дип искәртте.
Мәүлид ән-Нәби бәйрәменә багышланган чараның программасында имамнар чыгышлары, нәшидләр җырлау һәм салават әйтү булды, диелә хәбәрдә.
Якшәмбе мәктәбендә укучы кызларның чыгышы тантананың аерым бизәге булды. Алар башкаруында Мөхәммәд Пәйгамбәрне Мәдинәдә сәламләгән салават яңгырады. Балалар бәйрәм кунаклары арасында викторина уздырды. Һәр катнашучыга Төмән өлкәсе мөселманнары Диния нәзарәтеннән истәлекле бүләкләр тапшырылды. Чара татар милли ашлары белән бәйрәмчә төшке аш белән тәмамланды.
Кызыклы яңалыкларны күзәтеп бару өчен Телеграм-каналга язылыгыз