news_header_top
16+
news_header_bot
news_top

Томан һәм бозлавык вакытында куркынычсызлык кагыйдәләрен искә төшерделәр

Татарстан Гидрометеоүзәге республикада һәм Казанда 30 ноябрь, якшәмбе көнне һава торышының начараюы турында кисәтте.

Синоптиклар фаразлавынча, төнге һәм көндезге сәгатьләрдә кайбер урыннарда томан төшәргә мөмкин, юлларда бозлавык көтелә.

Россия Гадәттән тыш хәлләр министрлыгының Татарстан буенча Баш идарәсе республика халкын аеруча сак булырга чакыра. Юл аркылы чыкканда җир өсте һәм җир асты кичүләреннән файдаланырга киңәш ителә. Балаларны күз уңында тоту, авыру һәм өлкән туганнарга ярдәм күрсәтү мөһим.

Гадәттән тыш хәл килеп чыккан очракта, кичекмәстән ашыгыч хезмәтләргә мөрәҗәгать итәргә кирәк.

news_right_1
news_right_2
news_bot