Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Токаев: Казахстанның барлык төбәкләрендә дә Конституция тәртибе торгызылды
Террорчылар корал куллануын һәм гражданнар милкенә зыян китерүен дәвам итә, дип искәртте Казахстан Президенты.
(Казан, 7 гыйнвар, «Татар-информ»). Конституцион тәртип Казахстанның барлык төбәкләрендә дә торгызылды — җирле хакимиятләр вазгыятьне контрольдә тота. Ил Президенты Касым-Жомарт Токаев террорчылыкка каршы штаб утырышында шулай дип белдерде.
«Террорчылыкка каршы операция башланды. Хокук сакчылары киеренке эш алып бара. Конституцион тәртип илнең барлык төбәкләрендә дә торгызылды», — диде Токаев.
Ул ачыклык керткәнчә, террорчылар корал куллануын һәм гражданнар милкенә зыян китерүен дәвам итә.
«Шунлыктан террорчылыкка каршы акцияләрне боевикларны тулысынча юк иткәнчегә кадәр дәвам итәргә кирәк», — диде ил башлыгы.
Ул шулай ук илдә вазгыятьне алга таба тотрыклыландыру өчен кайбер күрсәтмәләр бирде. Утырышта эчке эшләр һәм саклану министрлары вазифаларын башкаручыларның, Милли иминлек комитеты рәисенең докладлары да тәкъдим ителде. Алар хәбәр иткәнчә, республикага тәртип урнаштыруда ярдәм күрсәтү өчен Күмәк иминлек турында килешү оешмасында әгъза булып торучы илләрнең хәрбиләре килә башлаган.
«Әлеге контингент, нигездә, стратегик объектларның сакланышын тәэмин итү өчен чикләнгән вакытка килде», — дип искәрттеләр Казахстан Президентының матбугат хезмәтендә.
Кызыклы яңалыкларны күзәтеп бару өчен Телеграм-каналга язылыгыз