Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Токаев: Казахстандагы тынычлык урнаштыручыларны ике көннән чыгара башлыйлар
Газ бәясе арту сәбәпле, гыйнварның беренче көннәрендә республикада массакүләм тәртипсезлекләр башланды.
(Казан, 11 гыйнвар, «Татар-информ»). Казахстанга тынычлык урнаштыру өчен килгән контингентны ике көннән чыгара башлыйлар. Бу хакта Мәҗлес утырышында Казахстан Республикасы президенты Касым-Жомарт Токаев әйтте.
«Күмәк иминлек турында килешү оешмасының (ОДКБ) тынычлык урнаштыручы көчләренең төп миссиясе уңышлы төгәлләнде, ике көннән аларны этаплап чыгара башлыйлар. Процесс <…> ун көннән дә артыкка сузылмаячак», — дип сөйләде дәүләт башлыгы.
Республикада массакүләм тәртипсезлекләр гыйнварның беренче көннәрендә башланды. Газ бәясе ике тапкыр арту сәбәпле, Жанаозен һәм Актау шәһәрләрендә яшәүчеләр митингларга чыкты. Шуның артыннан ук Хөкүмәт отставкага китте һәм берничә чара кабул ителде. Әмма протест акцияләре тәмамланмады, киресенчә, хокук сакчылары белән бәрелешләр ешайды.
Илнең бөтен территориясендә гадәттән тыш хәл режимы кертелде. Казахстан Президенты башка дәүләтләр лидерларына — Күмәк иминлек турындагы килешү оешмасы әгъзаларына ярдәм сорап мөрәҗәгать итте. Республикага оешманың, шул исәптән Россиядән һәм Кыргызстаннан тынычлык урнаштыручылар җибәрелде.
Кызыклы яңалыкларны күзәтеп бару өчен Телеграм-каналга язылыгыз