ТНВ өлкәннәр өчен яңа медиапроект эшли башлый
Көн саен 11:00 сәгатьтән «ТНВ-Татарстан» һәм «ТНВ-Планета» каналларында сез яраткан фильмнар, спектакльләр, концертлар күрсәтеләчәк.
Скопировать ссылку
(Казан, 25 март, «Татар-информ»). Коронавирус таралу куркынычы һәм өлкәннәрнең бу вируска күбрәк дучар булуы сәбәпле, «Яңа Гасыр» телеканалы 30 марттан «ТНВ – өлкәннәр өчен» сәхифәсен башлап җибәрә.
Көн саен 11:00 сәгатьтән «ТНВ-Татарстан» һәм «ТНВ-Планета» каналларында сез яраткан фильмнар, спектакльләр, концертлар күрсәтеләчәк. Бу көннәрдә бергә булыйк, күңелне төшермик, өйдә булган вакытны кызыклы уздырыйк.