Әтнә яшүсмерләре күрше районда узган көрәш бәйгесендә призлы урыннар алды
Сигез кешелек командадан 5 көрәшче призлы урын яулады.
Скопировать ссылку
(Әтнә, 1 октябрь, "Татар-информ", "Әтнә таңы", Сүрия Мингатина). Әтнәнең 2004-2005нче елгы яшүсмерләре Арчада узган көрәш бәйгесеннән призлы урыннар алды. Бу турыда район басмасы сайтында хәбәр ителә.
Сигез кешелек командадан 5 көрәшче призлы урын яулады. Рәсим Сафин, Айзат Филатов - беренче урында, Данил Бариев, Данил Аканашев , Даил Зиннәтуллин - икенче урында. Рәсим, Данил, Даил - Яңа Шашы мәктәбе укучылары, Данил - Түбән Көек, Айзат - Мәңгәр мәктәбе укучысы.
Тренерлары Радик Шәрәфиев, Руслан Сафин җитәкчелегендәге команда дүртенче урында.