Әтнә театры директоры татар театры спектакльне татарча гына уйнарга тиеш дип исәпли
Теләгән кеше русча тәрҗемәне тыңласын, диде Ленур Зәйнуллин.
Скопировать ссылку
(Казан, 22 гыйнвар, "Татар-информ", Лилия Локманова). Татар театрлары спектакльләрне татарча гына уйнарга тиеш. Бүген "Татар-информ" мәгълүмат агентлыгы уздырган түгәрәк өстәл барышында Әтнә дәүләт драма театры директоры Ленур Зәйнуллин шул фикерен әйтте.
"Татар театрлары спектакльләрне татарча гына куярга тиеш. Хәзер техника алга киткән заман. Теләгән кеше русча тәрҗемәдә колакчыннар белән тыңласын", - диде Ленур Зәйнуллин.
Әлмәт Татар дәүләт драма театры директоры Фәридә Исмәгыйлева исә театрларына рус телле тамашачыларның татар спектакльләренә йөрүен билгеләп узды.
"Рус телле тамашачыларның колакчын белән татар спектакльләрен каравы - безнең өчен горурлык", - диде ул.
