Əтнә сыерларының 27 килограмм сөт бирү сере ачылды
Узган ел белән чагыштырганда, сөтчелек күрсәткечләре 15 процента арткан.
(Əтнә, 8 июнь, "Татар-информ", Лилия Локманова). Республикада иң күп сөтне Əтнә сыерлары бирә. Биредә һәр сөтлебикәдән көн саен якынча 27 килограмм сөт савып алалар.
Əтнә авыл хуҗалыгы һәм азык-төлек идарәсе җитәкчесе Айрат Галимҗанов "Татар-информ" мәгълүмат агентлыгы хәбәрчесенә бу уңышка ирешү серен ачты.
"Əтнә районы авыл хуҗалыгы өлкәсендә республикада иң алдынгылар рәтендә. Без хәзер көнгә 200 тоннага якын сөт сатабыз. Узган елгы күрсәткечләр белән чагыштырганда бу 15 процентка югарырак. Терлекчелек өлкәсендә ныклап торып эшләгәндә генә югары сыйфатлы продукция алырга мөмкин. 27 килограмм сөт саву да ашатуга, селекциягә бәйле", – диде ул.