Фән һәм мәгариф 29 октябрь 2014 18:23

Әтнә районының Түбән Көек мәктәбе сайты дипломга лаек булды

"Белем җәүһәрләре" V Бөтендөнья интернет-проектлар конкурсы үткәрелде

Скопировать ссылку

(Казан, 29 октябрь, “Татар-информ”). Әтнә районының Түбән Көек урта мәктәбенең сайты "Белем җәүһәрләре" V Бөтендөнья интернет-проектлар бәйгесендә "Урта белем учереждениесе – җәүһәрләр чыганагы" номинациясендә беренче дәрәҗә диплом белән бүләкләнде. Сайт өчен җаваплы укытучы – Илнур Хисмәтуллин, дип белдерә, “Әтнә таңы” газетасы.

Искәртеп үтәбез: бәйгедә катнашырга теләп быел барлыгы 63 гариза кабул ителеп, алар арасыннан 57 интернет-проект сайлап алынган. Интернет-проектларны бәяләүдә быел 14 жюри әгъзасы һәм татнет эксперты катнашты. Алар бәйгенең финалына 38 интернет-проектны тәкъдим ителгән.

Бәйгедә катнашкан иң актив татар интернетчылары Яр Чаллы шәһәрендә, Мөслим һәм Актаныш районнарында яшиләр. Шулай ук Казан шәһәре, Сарман, Лаеш, Арча, Норлат һәм Лениногорск районнары интернет-проект авторлары да бәйгенең финалына үткән. Бәйге һәм аныд җиңүчеләре турында биредә танышып була: http://konkurs.belem.ru/node/327.

Сәхифәләр

Әтнә районының Түбән Көек мәктәбе сайты дипломга лаек булды