Җәмгыять 26 февраль 2017 02:00

Әтнә районының Олы Мәңгәрендә Авыл бәйрәме узды

Кыш аеның соңгы атнасында әлеге бәйрәмне үткәрү матур бер традициягз әйләнде.

Скопировать ссылку

(Әтнә, 26 февраль, Татар-информ, “Әтнә таңы”). Әтнә районының Олы Мәңгәрендә Авыл бәйрәме узды. Кыш аеның соңгы атнасында әлеге бәйрәмне үткәрү матур бер традициягә әйләнде, дип яза “Әтнә таңы” газетасы.

Кышкы уеннар белән бәйләнеп барган матур чараны мәдәният йорты директоры Гөлсинә Шакирова җыелган халыкны бәйрәм белән котлап башлап җибәрде. Җыр-моң белән уралып барган бәйрәм барышында килгән кунаклар ике командага бүленеп узара көч сынашты. Кечкенә чаңгы киеп тә йөгерделәр. Ләгәннәр белән тартып уйнаганда карап торучылар көч биреп торды. “Мәңгәр” һәм “Бәхтияр” командалары әле берсе, әле икенчесе алга чыкты. Капчык киеп йөгергәндә егылып калучылар да булмады түгел. Кыршау белән йөгерү, чиләккә туп кертү белән дәвам иткән бәйге, соңыннан аркан тарту белән тәмамланды. Җиңүче “Бахтияр” командасы.

Коймак белән кайнар чәй, шашлык та мулдан булды бәйрәмдә, дип хәбәр итә басма матбугат.

#Әтнә #Әтнә таңы

Сәхифәләр

Әтнә районының Олы Мәңгәрендә Авыл бәйрәме узды