Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әтнә районында сөт җитештерү күләмен киметмиләр
Сөт җитештерү өлкәсендә Әтнәнең республикада тоткан урыны элеккечә үк тотрыклы.
(Әтнә, 8 июль, “Татар-информ”, “Әтнә таңы”). Әтнә районының тугыз күмәк хуҗалыгы һәм ике КФХ көн саен уртача 187 тонна тулай савым җитештерә. Узган елгыдан 24204 килограммга күбрәк бу, дип яза районның “Әтнә таңы” газетасы.
Авыл хуҗалыгы һәм азык-төлек идарәсенең 6 июльгә алган мәгълүматларына караганда, алдагы көнгә карата азрак кимү күзәтелә үзе. Берөзлексез коеп яуган яңгырлы һава торышы сөт җитештерүгә, бәхәссез, кире йогынты ясый. Шуңа карамастан, бер хуҗалык сөт җитештерүне кичәге дәрәҗәдә саклап калган, ә ике хуҗалык арттырган хәтта.
Бу көнне халыктан 18811 килограмм сөт җыеп алынган. Шөкер, Татарстанның уртак сөт казанына шәхси хуҗалыклар да шактый сөт агызалар.
Без канат астына алган Арчаның “Ашыт”, “Кызыл Яр” һәм “Кишет” хуҗалыкларында да сөт җитештерү сизелерлек артты. Күптән түгел безнең “Тукай”дан азык ташучы “КамАЗ” шоферы Зөфәр абый белән бу хакта сөйләштек. “Элек бер сыердан көненә 3-4 килограмм сөт савып ала идек. Хәзер ул 15 килограммга якын”, - диде ул. Бу исә хезмәт хакында чагылыш таба. Әйтүләренчә, колхозчыларда якты киләчәккә өмет уянган.
Татарстан бу көнне 3858,8 тонна тулай савым алуга иреште. Биредә безнең Әтнә өлеше 5 процентка якын. Узган елга карата иң күп сөт җитештерүчеләр исемлегендә дә районыбыз алдынгылар арасында, диелә район хәбәрендә.
Кызыклы яңалыкларны күзәтеп бару өчен Телеграм-каналга язылыгыз