Җәмгыять 8 август 2018 02:00

Әтнә районында ике сәгатьтә 21 юл хәрәкәте кагыйдәсен бозганнар

Районда “Тоннель” операциясе узды.

Скопировать ссылку

(Әтнә, 8 август, “Татар- информ, “Әтнә таңы”). Әтнә Эчке эшләр бүлегенең ЮХИДИ бүлекчәсеннән алынган мәгълүматларга караганда, ике сәгать дәвамында барган операция барышында 21 юл хәрәкәте кагыйдәсен бозу очрагы теркәлгән, дип яза җирле басма.

Алар арасыннан 6 очрак иминият полисы булмау белән бәйле. Бер йөртүче техник яктан төзек булмаган транспорт чарасында йөрергә чыккан. 3 кеше куркынычсызлык каешын такмаган. Бер машина йөртүче документын өйдә онытып калдырган. 10 йөртүче утын кабызмыйча йөргән.

Тоннель барышында Әтнә Эчке эшләр бүлегенең ЮХИДИ бүлекчәсе җитәкчесе Рифат Нурмехәмәтов штрафларны вакытында түләү кирәклегенә дә басым ясады. Шулай ук электрон хәбәргә язылу мөмкинлеге турында да искәртте. “Бүлекчәгә килеп гариза язган очракта, штрафларыгыз турында мәгълүмат электрон почтагызга килеп торачак. Бу исә штрафларны вакытында белеп, аның ярты суммасын гына түләү өчен бер дигән мөмкинлек”, - дип аңлатты.

Ә узган атна барышында район юлларында кагыйдә бозучылар саны аннан алдагы атнаныкы белән чагыштырганда берүк, артмаган да, кимемәгән дә, барлыгы – 90 очрак.

#Әтнә таңы

Сәхифәләр

Әтнә районында ике сәгатьтә 21 юл хәрәкәте кагыйдәсен бозганнар