Әтнә районы Күшәр авылында яшәүчеләр кичке урам бәйрәменә җыелдылар
Авыл халкы бәйрәмне оештырырга булышкан хуҗалык рәисе Илнар Илдар улы Галиәхмәтовка рәхмәт белдерде.
Скопировать ссылку
(Әтнә, 27 гыйнвар, "Татар-информ", "Әтнә таңы"). Әтнә районы Күшәр авылында кичке урам бәйрәменә килүчеләр рәхәтләнеп биеде һәм уеннарда катнашты. Бәйрәмдә колхоз рәисе дә бар иде. Бу турыда җирле басма хәбәр итә.
Авыл халкы бәйрәмне оештырырга булышкан хуҗалык рәисе Илнар Илдар улы Галиәхмәтовка рәхмәт белдерде.
Бәйрәм уеннарында катнашучыларның берсе дә бүләксез кайтып китмәде. Кайнар чәй, коймак белән дә сыйладылар.
Бәйрәмне мәдәният, китапханә хезмәткәрләре оештырды. Иганәче - "Күшәр" хуҗалыгы, авыл җирлеге.
Мондый бәйрәмнәр бар җирлектә дә үткәрелә башлады.