Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әтнә районы Күлле Киме авылында Кыш бабайлар парады үтте
Мондый чараны авылның мәдәният йорты җитәкчесе Чулпан Сәләхова дүртенче елын үткәрә.
(Әтнә, 26 декабрь, “Татар-информ, “Әтнә таңы”, Сүрия Мингатина). Күлле Киме авылында "Кыш бабай бүләк өләшә" программасы белән Кыш бабайлар парады, чыршы ачу тантанасын үткәрделәр, дип яза җирле басма сайты.
Бәйрәм тантанасына керешкәнче Мортазин Рафилнең атын бизәп, Кыш бабай (Әхмәтшин Фәрит), Кар кызы (Чулпан Сәләхова) авыл халкына бәйрәм ясап, авыл буйлап бүләк өләштеләр. Алар шатлык бүләк итеп йөргәндә, Күлле Киме мәдәният йорты җитәкчесе Чулпан Сәләхованың гаиләсе шашлык пешереп, чәй өстәле әзерләде.
Дүртенче ел менә шулай авыл халкына бәйрәм ясый алар. Болары кунаклар килгәнче башкарылган эшләр,чөнки ул көнне якын-тирә авыллар - Күәм, Югары Көек, Ары авыллары Кыш бабай, Кар кызлары Күлле Кимегә агылды. Килгән кунакларны хуҗалар - Күлле Киме мәктәбе белән Күлле Киме авылы Кыш бабайлары, Кар кызлары каршы алды.
Бәйрәм мәдәният йорты алдындагы бизәлгән чыршы янәшәсендә узды. Дистәгә якын Кыш бабай балаларга бүләк өләште, спорт ярышларында катнашты, бергәләп чаңгы шуды.
Бәйрәмгә килүчеләр кайнар чәй, шашлык, алдан әзерләнгән сый-нигъмәт белән сыйланып, Яңа елны каршыларга әзер булып, рәхмәт әйтеп таралыштылар.
Кызыклы яңалыкларны күзәтеп бару өчен Телеграм-каналга язылыгыз