Авыл 23 май 2018 07:16

Әтнәнең Кызыл Утар халкы юллы булачак

Районның Кышлау авылы белән Кызыл Утар авылы арасындагы юл федераль программа нигезендә төзекләндерелә башлады.

Скопировать ссылку

(Казан, 23 май, “Татар-информ, ”Әтнә таңы”, Сүрия Мингатина).Әтнә районының Кышлау авылы белән Кызыл Утар авылы арасындагы юл федераль программа нигезендә төзекләндерелә башлады. Инде бик озак еллар халык юлсызлыктан интеккән иде, дип хәбәр итә "Әтнә таңы" газетасы сайты.

Кызыл Утар авылы белән Кышлау арасындагы юл федераль программа нигезендә төзекләндерелә, дигәч, авыл халкы ышана алмаган. "Ышанмаган идек, менә бит Хөкүмәтнең максатчан программасы безне дә юллы итә”, - дип шатлана алар. Бу юлның уңайсызлыгыннан, юлсызлыктан машиналылар да, җәяүлеләр дә бик озак вакыт интеккән. Шушы көннәрдә юлда эш башланды.

"15 көн эшлиләр инде юлчылар Кызыл Утар юлында. Башта юл кырыендагы агачларны кистеләр, аннан соң дамбаны түбәнәйтеп тигезләделәр. Шушы аралыктагы иске күперне сүттеләр, яңасын төзегәнче, вакытлыча үтәр өчен торбалар салдылар", - ди районның Кышлау авыл җирлеге башлыгы Рәхинә Шакирова. Төзекләндерәсе юлның озынлыгы - 4,2 км.

#әтнә таңы #федераль программа #авыл юлы

Сәхифәләр

Әтнәнең Кызыл Утар халкы юллы булачак