Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әтнәдә ялган тикшерүчеләр счетчиклар карап йөргән
Үзләрен контролер дип атап, счетчикларны тикшергәннәр, пломбаларны өзеп, 6000 сумга яңасын куярга акча сораганнар, дип хәбәр итә район сайты.
(Казан, 7 март, “Татар-информ”, "Әтнә таңы"). Кичә Әтнә районының ике авылында счетчиклар караган булып, пломбаларны өзеп, ике хатын-кыз йөргән. Аларны полиция чакыртып куганнар, дип хәбәр итә “Әтнә таңы” сайты.
Социаль челтәрләрдә дә әлеге хатын-кызлар турында хәбәр таратканнар. Алар үзләрен контролер дип атап, счетчикларны тикшереп йөргән. Аннан пломбаларны өзгәннәр һәм 6000 сумга яңа пломба куябыз дип, акча сораганнар, диелә әлеге хәбәрдә.
Әлеге хәлгә Әтнә районы электр челтәре җитәкчесе Илдар Сабиров аңлатма биргән. "Бу хатын-кызлар - чып-чын мошенниклар. Бүген районның ике авылында йөргәннәр. Аларны полиция чакыртып, кудырттык. Искәртеп үтәм: бездә хатын-кыз контролерлар юк. Безнең хезмәткәрләр берничек тә пломбаны өзә алмый. Мәҗбүри алырга кушмыйлар. Әгәр пломбаның срогы чыга икән, без, алыштырырга кушып, уведомление генә язып калдыра алабыз. Шуңа күрә кем генә керсә дә, счетчигыгызга берәүне дә якын китермәгез. Керсәләр, иң элек подстанциягә шалтыратып, тикшерүчеләрнең кем булуын ачыклагыз".
Кызыклы яңалыкларны күзәтеп бару өчен Телеграм-каналга язылыгыз