Әтнәдә районы башлыгы бүләгенә хоккей ярышы үткәрелде
Әлеге Кубок өчен 18 яшьтән югары хоккейчылар катнашкан биш команда көч сынашты.
Скопировать ссылку
(Әтнә, 25 февраль, “Татар-информ, “Әтнә таңы”, Сүрия Мингатина). 23-24 февраль көннәрендә Ватанны саклаучылар көне уңаеннан Олы Әтнә авылының хоккей мәйданчыгында район башлыгы Габделәхәт Гыйлемхан улы Хәкимов призына хоккей ярышы булды. Бу турыда район басмасы сайты хәбәр итә.
Районда хоккей уенына игътибар зур, аны яратучылар да күп булганга, приз өчен иң көчле биш команда уйнады.
“Бик әзерлекле көчле ярышлар булды бу”,- дип бәяләде тренерлар.
Беренче урында - Олы Әтнә командасы, икенче урында - Бәрәскә командасы, өченче урында - Күәм командасы.
Җиңүчеләргә Кубок,бүләкләр тапшырылды.