Фән һәм мәгариф 6 октябрь 2018 06:00

Әтнәдә алдынгы укытучыларга Мактау кәгазьләре тапшырылды

Районның 13 мәктәбе, 7 филиалында белем бирүче ике йөздән артык укытучысы өчен бәйрәм оештырдылар.

Скопировать ссылку

(Әтнә, 6 октябрь, “Татар-информ, “Әтнә таңы”). Габдулла Тукай исемендәге Әтнә авыл хуҗалыгы техникумының Актлар залында районның 13 мәктәбе, 7 филиалында белем бирүче ике йөздән артык укытучысы өчен бәйрәм оештырдылар, дип яза район газетасы сайты.

Укытучылар бәйрәмен башлап, район аппарат җитәкчесе Гөлнара Реваль кызы Галәүтдинова педагогларны һөнәри бәйрәмнәре белән котлап, киләчәк эшләрендә уңышлар теләде. Укытуда уңышларга ирешүчеләргә Мактау громаталары тапшырды.

Бүләкләү өлешен район мәгариф бүлеге җитәкчесе Гарипов Ленар Тәлгать улы дәвам итеп, Мактау кәгазьләре биреп, алдынгыларны котлады. Эшләнгән эшләргә йомгак ясап, киләчәккә планнар белән таныштырды.

Чыгышлар тәмамлангач, район укытучылары Казан артистлары Илдар Әхмәтов, Айгөл Рәхимова, Илшат Вакказов концертын карадылар, диелә район хәбәрендә.

#Әтнә таңы

Сәхифәләр

Әтнәдә алдынгы укытучыларга Мактау кәгазьләре тапшырылды