news_header_top_970_100
news_header_bot_970_100

ТКДҮ белгечләре хирургия өлкәсендә видеоэндоскопик методикаларны камилләштерәчәк

Төбәкара клиника-диагностика үзәгендә “Клиниканың эндоскопик хирургиясе үсеше нәтиҗәләре һәм перспективалары” темасына конференция узды

(Казан, 5 апрель, “Татар-информ”). Төбәкара клиника-диагностика үзәгендә “Клиниканың эндоскопик хирургиясе үсеше нәтиҗәләре һәм перспективалары” темасына конференция узды. Юнәлеш буенча баш белгеч, медицина фәннәре докторы, профессор Лев Славин 2009 елда хирургия өлкәсендәге эшчәнлеккә нәтиҗә ясады.
Аның сүзләренә караганда, 2009 елның беренче яртыеллыгында хирургия өлкәсендә югары технологик операцияләр саны 2 тапкырга артты һәм 15 процент белән исәпләнде. Ел саен абдоминаль хирургия бүлегендә операция ясау проценты арта. Узган ел 1013 лапароскопик операция ясалды. Эндоскопия бүлеге белгечләре белән бергә эшләү нәтиҗәсендә, 2009 елда эндоскопик ультрасонография, ашказаны асты бизе псевдокистларын дәвалау кебек методикалар кулланыла башлый, эндопапилляр операцияләр саны арттырыла.
Клиниканың хирургия хезмәте 2006 елда эшли башлый. 3 ел эчендә абдоминаль һәм эндокрин хирургия өлкәсендә зур эш башкарыла. Лев Славин операциядән соң өзлегүләр санының кимүенә, операция бару вакытын азайтуга ирешүләрен билгеләп үтте. Алга таба видеоэндоскопик методикаларны камилләштерергә һәм киң кулланылышка кертергә, дәвалау срокларын киметергә кирәклеген дә ассызыклады ул. Бу турыда клиниканың матбугат хезмәте хәбәр итә.


news_right_column_1_240_400
news_right_column_2_240_400
Медиаметрикс
news_bot_970_100