Архив 16 февраль 2015 11:54

Үткән тәүлектә Казан урамнарыннан 4,8 мең тоннадан артык кар чыгарылган

Бүген шәһәр урамнарына 515 юл эшчесе һәм 282 берәмлек махсус техника җәлеп ителәчәк

Скопировать ссылку

(Казан, 16 февраль, "Татар-информ"). Узган тәүлектә Казан урамнарыннан 4,8 мең тонна кар чыгарылган, дип хәбәр итә мэрия порталы.
Урамнарны кардан чистарту эшенә 287 юл эшчесе һәм 431 берәмлек махсус техника җәлеп ителгән. Шул исәптән, юлларда 101 катнаш юл машинасы, 58 “Бошунг” КЮМ, 1 картөягеч, 127 трактор щеткасы, 9 грейдер, 50 фронталь төягеч, 21 “Барсик” мини төягече һәм 55 үзбушаткыч эшләгән.
Узган тәүлектә 1288,6 тонна бозлавыкка каршы материал файдаланылган.
План буенча бүген шәһәр урамнарына 515 юл эшчесе һәм 282 берәмлек махсус техника җәлеп ителәчәк.
Кыш башланганнан бирле юл хезмәтләре шәһәрдән 575 мең тоннадан артык кар чыгарган.

Сәхифәләр

Үткән тәүлектә Казан урамнарыннан 4,8 мең тоннадан артык кар чыгарылган