Җәмгыять 10 ноябрь 2014 16:06

Үткән атнада Татарстанда кискен тын юллары авырулары дәрәҗәсе кимегән

Аңа кадәрге атна белән чагыштырганда, Казанда авыручылар саны 31,7 процентка кимегән

Скопировать ссылку

(Казан, 10 ноябрь, «Татар-информ»). Татарстанда 3-9 ноябрьдә кискен тын юллары авыруларыннан интегүнең 8421 очрагы теркәлгән, дип хәбәр итә Кулланучылар хокукларын яклау өлкәсендә күзәтчелек буенча хезмәтнең ТР буенча идарәсе. Авыручылар арасында эпидемия бусагасыннан 66 процентка түбән, 2 яшькә кадәр балалар арасында – 58,4 процентка, 3-6 яшьлекләр арасында – 64 процентка, 7-14 яшьлек балалар арасында– 77,2 процентка, 15 яшь һәм аннан да өлкәнрәкләр арасында – 78,4 процент. Шуңа кадәрге атна белән чагыштырганда, авыручылар саны 39,2 процентка азайган.

Казанда кискен тын юллары белән авыручы 4290 кеше теркәлгән, ягъни 34,2 процент. Авыручылар саны эпидемия бусагасыннан 46,1 процентка ким һәм, шуңа кадәрге атна белән чагыштырганда, 31,7 процентка кимегән.

Сәхифәләр

Үткән атнада Татарстанда кискен тын юллары авырулары дәрәҗәсе кимегән