Җәмгыять 5 октябрь 2005 13:10

Тиздән “Иделем акчарлагы” бәйгесенең җиңүчеләре билгеле булачак

Скопировать ссылку

(Казан, 5 октябрь, “Татар-информ”, Рәсилә Кәримова). 14 октябрьдә Биектау районында урнашкан “Байтик” ял лагеренда яшь каләм тибрәтүчеләрнең “Идел” яшьләр үзәге тарафыннан ел саен уздырылып килүче “Иделем акчарлагы” дип исемләнгән бәйгенең йомгаклау туры үтәчәк.

Билгеле булганча, бәйгедә катнашырга теләк белдереп Татарстанның шәһәр һәм районнарыннан, шулай ук Томски, Ижау шәһәрләреннән, Башкортстаннан һәм Оренбург өлкәсеннән барлыгы илледән артык яшь язучы мөрәҗәгать иткән иде. Шагыйрь Газинур Морат җитәкчелегендәге жюри яшь каләм ияләренең проза, шигърият һәм драматургия буенча иҗат җимешләрен карап чыгып, арадан иң яхшыларын гына сайлап алды. Нәтиҗәдә, финалга 35 конкурсант үтте. Аларның исемнәре 14 октябрьдә игълан ителәчәк.

Сәхифәләр

Тиздән “Иделем акчарлагы” бәйгесенең җиңүчеләре билгеле булачак