news_header_top_970_100
16+
news_header_bot_970_100

Тинчурин театрында «Могҗиза» студиясе балалары спектакль күрсәтә

Тинчурин театры каршындагы сәламәтлеге чикләнгән балаларның «Могҗиза» студиясе «Миһербанлык» спектаклен әзерләгән. Премьера 21 апрельгә билгеләнгән. Башлана - 11:00 сәгатьтә.

«Тамашада сәламәтлеге чикле балалар һәм Тинчурин театры артистлары катнаша», - дип хәбәр итә театрның матбугат үзәге.

«Миһербанлык» дип исемләнгән фэнтези тормыш авырлыкларын җиңү, калыпларга буйсынмыйча үзең теләгәнчә эшләп хыялларны тормышка ашыру хакында», - ди «Могҗиза» студиясе кураторы Зөлфия Бәшәрова.

Фантастик әкиятнең авторы – Тинчурин театры артисты Илфак Хафизов, режиссеры – Россиянең атказанган, Татарстанның халык артисты Зөфәр Харисов. Спектакль «Во благо вместе» инициатив төркеме җитәкчесе Альбина Сәлимгәрәева ярдәмендә әзерләнгән.

  • Сәламәтлеге чикләнгән балалар өчен «Могҗиза» театр студиясе К.Тинчурин исемендәге Татар дәүләт драма һәм комедия театры директоры Фәнис Мөсәгыйтов инициативасы буенча 2019 елда оеша.
  • «Могҗиза» театр студиясенең укытучылары – Россиянең атказанган, Татарстанның халык артисты Зөфәр Харисов, Татарстанның атказанган артисткасы Гөлназ Нәүмәтова һәм театрыбызның яшь талантлы артисты Салават Хәбибуллин.
  • Театр студиясе оешканда бирегә барлыгы җиде бала йөрергә теләк белдергән булса, хәзер 15 бала йөри.
autoscroll_news_right_240_400_1
autoscroll_news_right_240_400_2
news_bot_970_100