Тинчурин театрында Габдулла Тукай иҗатына багышланган кичә була
Скопировать ссылку
Габдулла Тукайның 136 еллыгы уңае белән Кәрим Тинчурин театрында бүген, 26 апрельдә, шигърият кичәсе узачак.
Кичәдә Тинчурин театры артистлары Зөфәр Харисов, Гөлчәчәк Хафизова, Гүзәл Гайнуллина, Резедә Төхвәтуллина, Рамил Минханов, Сәкинә Минханов Тукайның шигырьләрен һәм җырларын башкарачак. Тамашачылар өчен театрның Ильяс Камал җитәкчелегендәге камера оркестры татар көйләрен уйнаячак. Бу хакта К.Тинчурин театры матбугат үзәге хәбәр итә.
Шулай ук театр музеенда Розалия Чабатова җитәкчелегендә «И туган тел, и матур тел» дип исемләнгән викторина оештырыла.
Кичә 17.30 сәгатьтә башлана.