Тинчурин театры мобилизацияләнүчеләрнең балалары өчен Яңа ел бәйрәме оештыра
Скопировать ссылку
Кәрим Тинчурин театры мобилизацияләнүчеләрнең балалары өчен Чыршы бәйрәме әзерли. Бәйрәм 24-25 декабрьдә узачак.
«Бәйрәмдә Татарстанның 10 районыннан 300дән артык бала катнашачак. Хәйрия чарасында Лаеш, Теләче, Саба, Балык Бистәсе, Мамадыш, Питрәч, Яшел Үзән, Әтнә, Арча, Биектау районыннан балалар киләчәк», дип хәбәр итә театрның матбугат үзәге.
Программада: Кыш бабай белән Кар кызы, чыршы янында әйлән-бәйлән, әкият геройлары, уеннар һәм драматург Шамил Фәрхетдиновның «Тылсымлы арена» спектаклен карау, диелә хәбәрдә.