Тинчурин театры Мәскәү, Ульяновск, Чаллы шәһәрләрендә бары тик комедияләр күрсәтә
Тинчурин театры Мәскәү, Ульяновск, Чаллы шәһәрләрендә гастрольләре узачак. Алар театрның 90 еллык юбилее уңаеннан оештырыла.
Тинчуринлылар Мәскәү шәһәренең «Театр мимики и жеста» бинасында 6 мартта һәвәскәр драматург Ләйсән Әминованың «Яратам! Бетте-китте» җырлы-биюле комедиясен (режиссеры – Зөфәр Харисов), 7 мартта Шамил Фәрхетдиновның «Ай, былбылым!» моңсу комедиясен (режиссеры – Туфан Имаметдинов) күрсәтәчәк. Башлана - 19.00 сәгатьтә
1 мартта Ульяновск шәһәренең Татар мәдәнияте үзәгендә Салават Әбүзәровның «Хыялый» лирик комедиясе (режиссеры – Илгиз Мөхетдинов) тәкъдим ителәчәк. Башлана - 19.00 сәгатьтә
Тинчурин театры Чаллы шәһәренә дә гастрольләр белән бара. 12 мартта 14.00 һәм 18.30 сәгатьләрдә «Энергетик» мәдәният сараенда – «Ай, былбылым!» моңсу комедиясе, 13 мартта 14.00 һәм 18.30 сәгатьләрдә «КамАЗ» мәдәният сараенда Гаяз Исхакый әсәре буенча куелган «Җан Баевич» трагикомедиясе (режиссеры – Илнур Гарифуллин) күрсәтеләчәк.