Тинчурин театрында шагыйрь Рифат Җамалның иҗат кичәсе узачак
Кичә 14 февральгә билгеләнгән.
(Казан, 4 февраль, «Татар-информ»). Тинчурин театрында шагыйрь Рифат Җамалның 70 яшьлек юбилеена багышланган «Күңелем сүрәләре» әдәби-музыкаль кичәсе уздырыла. Кичә 14 февральгә билгеләнгән. 18:30 сәгатьтә башлана.
«Иҗат кичәсендә Алмаз Хәмзин, Мирсәит Сөнгатуллин, Рамил Миндияр, Бәширә Насыйрова, Айдар Габдинов, Рәсимә Нигъмәтуллина, Фәрит Мирзануров, Илдус Әхмәтҗанов, Тинчурин театры артистлары һәм Арча ягы сәхнә йолдызлары чыгыш ясаячак», — дип хәбәр итә Тинчурин театрының матбугат үзәге.
Рифат Җамал — шагыйрь, Татарстан Язучылар берлеге рәисе урынбасары, Татарстанның атказанган сәнгать эшлеклесе, Татарстанның атказанган фән эшлеклесе, Республиканың фән һәм техника өлкәсендәге Дәүләт бүләге лауреаты, Шәйхи Маннур һәм Һади Такташ исемендәге әдәби бүләкләр иясе.