Тинчурин театры Мәскәү гастрольләреннән кайтты
Театр Мәскәү тамашачысына соңгы премьераларын — Зөлфәт Хәкимнең «Акча бездә бер букча» һәм Салават Әбүзаровның «Хыялый» спектакльләрен тәкъдим иткән.
Скопировать ссылку
(Казан, 12 ноябрь, «Татар-информ»). Тинчурин театры коллективы Мәскәүдә узган ике көнлек гастрольләрдән кайтты. Бу хакта театрның матбугат үзәге хәбәр итә.
Театр Мәскәү тамашачысына соңгы премьераларын — Зөлфәт Хәкимнең «Акча бездә бер букча» һәм Салават Әбүзаровның «Хыялый» спектакльләрен тәкъдим иткән. Театр җитәкчелеге гастрольләрнең уңышлы узуын хәбәр итә.
Тинчурин театрының Мәскәү гастрольләре яз көненә үк планлаштырылган иде. Эпидемиологик вазгыять аркасында аны кичектерергә туры килде.