Тинчурин театры август аенда бәйрәм уңаеннан 11 спектаклен тәкъдим итә
Спектакльләр 19-29 август көннәрендә күрсәтелә.
(Казан, 14 август, «Татар-информ»). Тинчурин театры август аенда традицион бәйрәм спектакльләрен тәкъдим итә.
«19-29 августта, Шәһәр һәм Республика көне уңаеннан, Тинчурин театры казанлыларга һәм башкала кунакларына 11 спектакль күрсәтә», — дип хәбәр итә театрның матбугат үзәге.
Август репертуарында Илгиз Зәйниевнең «Полиционер», Кәрим Тинчуринның «Назлы кияү», Зөлфәт Хәкимнең «Акча бездә бер букча», Туфан Минуллинның «Алай түгел, болай ул», Шамил Фәрхетдиновның «Эх алмагачлары», Хәй Вахитның «Кияүләр» һәм башка спектакльләр бар.
Спектакльләр атна дәвамында 18.30 сәгатьтә, ял көннәрендә 17.00 сәгатьтә башлана. Барлык спектакльләр рус теленә синхрон тәрҗемә ителә.