Тимер ватыклары төяп барган «ГАЗ»ларны юллардагы патруль хезмәте тоткарлаган
Хәл Казан – Ульяновск юлында булган
(Казан, 28 сентябрь, «Татар-информ»). Казан – Ульяновск машина юлының 100 нче чакрымында 24е көнне алны-артлы ике «ГАЗ-3302» йөк машинасы туктатылган булган. Аларның икесендә дә 900-950шәр килограмм тимер ватыгы төялгән, ләкин шуңа тиешле документлары булмаган. Нәтиҗәдә, алар белән идарә итүче 1985 һәм 1953 елгы затлар, мәсьәләгә ачыклык кертү өчен, Буа эчке эшләр бүлекләренә китерелгән.
Бу хакта республика ЮХИДИ идарәсенең юл хәрәкәте иминлеген пропагандалау бүлеге хәбәр итә.