Җәмгыять 3 февраль 2019 17:46

Тикшеренүчеләр баш миен яшәртә торган ысул турында әйткән

Төрле яшьтәге кешеләр өчен даими физик күнегүләр файдалы булып чыккан.

Скопировать ссылку

(Казан, 3 февраль, «Татар-информ»). Даими физик күнегүләр баш миенең яшь үзгәрешләрен шактый киметергә сәләтле булып чыккан. Американың Колумбия университеты галимнәре шундый нәтиҗәгә килгән. Бу хакта Genetic Engineering & Biotechnology Newsка сылтама белән «Российская газета» хәбәр итә.

Тикшеренүчеләр төркеме җитәкчесе Яков Стерн сөйләгәнчә, экспериментта 20 яшьтән алып 67 яшькә кадәрге 132 волонтер катнашкан. Алар алты ай дәвамында атнага дүрт тапкыр төрле спорт төрләре белән шөгыльләнгәннәр.

Нәтиҗәдә, тренировкаларга даими йөрүчеләрнең когнитив күрсәткечләре шактый яхшырган. Аерым алганда, 40 яшьтәгеләрнең баш мие 30 яшьлекләрнеке, ә 60 яшьлекләрнеке 40 яшьлекләр халәтенә туры килгән.

#сәламәтлек

Сәхифәләр

Тикшеренүчеләр баш миен яшәртә торган ысул турында әйткән