news_header_top_970_100
news_header_bot_970_100

Тикшерү изоляторларында су процедураларын атнага ике тапкыр үткәрү тәкъдим ителде

Юстиция министрлыгы шартларны яхшырту максатыннан яңа тәкъдимнәр җиткерде.

(Казан, 21 ноябрь, “Татар-информ”). Барлык тикшерү изоляторларында да мәҗбүри рәвештә телевизор, суыткыч һәм җилләткечләр урнаштырылырга тиеш. РФ Юстиция министрлыгы шундый тәкъдимнәр җиткерде. Бу хакта РИА Новости җиткерде, дип яза “Российская газета”.

Министрлык фәрманының тагын бер проекты буенча хөкем ителүчеләргә гаиләсе белән очрашу өчен өстәмә вакыт та билгели. Аның нигезендә ул балалары белән очрашу өчен колония чигенә дә чыга ала.

Моннан тыш, яңа тәкъдимнәр буенча, хөкем ителүчеләр атнасына кимендә ике тапкыр 20шәр минут дәвамында душ кабул итү хокукына да ия.

Проектларны тормышка ашыру өчен федераль бюджеттан өстәмә акча таләп ителми.

news_right_column_1_240_400
news_right_column_2_240_400
news_bot_970_100