«ТИ-Спорт» Татарстан Республикасында елның иң яхшы спорт редакциясе дип танылды
Скопировать ссылку
Казанда «Ел спортчысы» тантанасы узды, анда спорт дөньясының узып бара торган сезонына нәтиҗәләр ясалды.
«Татарстан Республикасының иң яхшы спорт редакциясе» номинациясендә «Татар-информ»ның спорт бүлеге җиңде. Бүләкне спорт бүлеге редакторы Артур Халилуллов кабул итеп алды.
Татарстан Республикасының спорт темасына яза торган иң яхшы журналисты дип «Татар-информ»ның спорт бүлеге хәбәрчесе Арсений Кәримов танылды.
Истәлекле бүләкләр тапшыру тантанасы Идел буе спорт академиясендә узды.
Исегезгә төшерәбез, 16 сентябрьдә «Татар – информ» спорт тематикасына багышланган һәм «ТИ-Спорт» дип аталган яңа мәгълүмати проект башлап җибәрде.
