Җәмгыять 10 ноябрь 2017 17:42

Телне гаилә генә саклый дигән сүз дөреслеккә туры килми — Ирек Шәрипов

ТР Халыклар дуслыгы йорты директоры тел мәсьәләсенә үз фикерләрен "Татар-информ" мәгълүмат агентлыгына биргән интервьюсында җиткерде.

Скопировать ссылку

(Казан, 10 ноябрь, "Татар-информ"). "Телне гаилә генә саклый дигән сүз дөреслеккә туры килми. Телне гомумән җәмгыять саклый. Гаилә - җәмгыятьнең бер өлеше", - диде "Татар-информ" мәгълүмат агентлыгына биргән интервьюсында ТР Халыклар дуслыгы йорты директоры, Татарстанның атказанган мәдәният хезмәткәре, Татарстан Дәүләт Советы депутаты Ирек Шәрипов.

Аның фикеренчә, мәгариф, тәрбия системасы - җәмгыятьнең икенче өлеше. Мохит - җәмгыятьнең өченче өлеше.

"Кибет, почта, транспорт, юл - бөтенесе бергә мохитне һәм телне саклау системасын хасил итә. Телне мәгариф системасыннан алсаң, аның нәтиҗәсе, рус теленеке ничек булган, татар теленеке дә шул булачак, шуңа күрә моңа һич тә юл куярга ярамый. Аңлату эшләрен дәүләт җитәкчеләре тарафыннан да, халыкыбыз белән дә көн саен алып барырга, сөйләшергә һәм системаны саклап калырга кирәк", - дип саный ул.

#Ирек Шәрипов #Халыклар дуслыгы йорты #татар теле

Сәхифәләр

Телне гаилә генә саклый дигән сүз дөреслеккә туры килми — Ирек Шәрипов