Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Тележурналист Рамил Ибраһимов эше буенча суд утырышы вакыты билгеләнде
Рамил Ибраһимовны үзенең социаль челтәрләр битендә язмасы белән терроризмны ачыктан-ачык яклауда гаеплиләр.
(Казан, 27 гыйнвар, «Татар-информ»). Дүшәмбе, 30 гыйнварда, Идел буе округы хәрби суды Рамиль Ибраһимовның җинаять эшен карауга керешә, ул “терроризмны ачыктан-ачык яклауда” гаепләнә. Бу хакта Идел буе округы хәрби суды матбугат хезмәте хәбәр итә.
Узган ел җәй Рамил Ибраһимов, «Эфир» телеканалында телевидение алып баручысы булып эшләгәндә, үзенең социаль челтәрләр битендә Орландо гей-клубының йөздән артык кешесен яралаган һәм үтергән террористның гамәлләрен хуплап язган. Язма кыска вакыт эчендә юкка чыгарылган, әмма бу Россия тикшерү комитетының Татарстан буенча тикшерү идарәсенә җинаять эше кузгатырга җиткән.
Ибраһимов үзе бүген, июнь аенда әлеге хәл тирәсендә күтәрелгән шау-шу да җитәрлек булды диеп, нинди дә булса шәрехләр бирүдән баш тартты.
Кызыклы яңалыкларны күзәтеп бару өчен Телеграм-каналга язылыгыз