Телефоннарга «үтеп керү» очраклары булу сәбәпле, Рөстәм Миңнеханов уяу булырга чакырды
Республика министрлыклары һәм ведомстволары җитәкчеләре аккаунтлары белән мошенниклык очраклары ешаюы сәбәпле, Татарстан Рәисе Рөстәм Миңнеханов Телеграм-каналында язылучыларны уяу булырга чакырды.
«Телефоннар белән игътибарлы булыгыз!» - дип язган Татарстан Рәисе. Шул ук вакытта ул вазгыятькә карата ирония белдереп, стационар телефоннан сөйләшкән фото куйган.
«Татар-информ» хәбәр иткәнчә, Татарстан сәнәгать һәм сәүдә министры Олег Коробченко һәм Татарста авыл хуҗалыгы һәм азык-төлек министры Марат Җәббаров аккаунтларына «үтеп керүләре» турында хәбәр иткән иде. Шуңа бәйле рәвештә, Телеграм мессенджерын кулланучыларга Татарстан дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин берничә киңәш бирде.