Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Теле- һәм радиоканалларның ТатTVR бердәм платформасын Smart TV аша да карап була башлады
Татарстанда республика теле- һәм радиоканалларының бердәм платформасы Smart TV – интернетка чыга ала торган телевизорларда да эшли башлады.
2022 елның августыннан «Республиканың милли теле- һәм радиоканалларын трансляцияләүнең бердәм платформасы» (ТатTVR) проектының яңа этабы гамәлгә ашырылды. Максаты – халыкка бердәм теле- һәм радио-продуктлардан файдалану мөмкинлеге бирү, шул исәптән Татарстаннан читтә дә.
ТатTVR бердәм платформасында ТНВ, «Татарстан-24», «Мәйдан», «Эфир» телеканаллары, «Шаян ТВ», «Болгар» радиосы, «Тәртип» радиосы, «Күңел» Радиосы кебек теле- һәм радиоканаллар бар.
Исегезгә төшерәбез, беренче этап рәсми рәвештә 2022 елның маенда Татарстан Республикасы Журналистлар берлегендә игълан ителде. Ул чакта проект мобиль җайланмаларда эшләтеп җибәрелде. Бу айдан платформа Smart TV (LG, Samsung, Android) системаларында эшли башлады.
Тулырак мәгълүмат ТатTVR рәсми сайтында урнаштырылган. Анда шулай ук әлеге платформадан файдалану мөмкинлеген уңайлы итеп аңлаткан махсус сәхифә дә бар.
Кызыклы яңалыкларны күзәтеп бару өчен Телеграм-каналга язылыгыз