Теләчедә яшүсмерләр арасында көрәш буенча район беренчелеге узды
Скопировать ссылку
Теләче районы Олы Мәтәскә урта мәктәбе базасында интернационалист-сугышчы Миңнегали Ногманов истәлегенә яшүсмерләр арасында көрәш буенча район беренчелеге узды. 12 авырлык категориясендә 80гә якын яшь көрәшче бил алышты. Турнир быел 30нчы тапкыр үткәрелде. Бу хакта Теләче районы башлыгы Айрат Фәтхуллин социаль челтәрләрендә хәбәр итә.
«Бәйгене ачу тантанасында VIII чакырылыш РФ Федераль җыены Дәүләт Думасы депутаты, Татарстан Республикасы көрәш федерациясе президенты Рөстәм Кәлимуллин, ТР спорт министрының беренче урынбасары Хәлил Шәйхетдинов һәм башка кунаклар катнашты. Бик матур, җылы спорт бәйгесе узды», – диелә хәбәрдә.