Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Теләче районында хатын-кызлар машина йөртү осталыгы буенча көч сынашкан
![Теләче районында хатын-кызлар машина йөртү осталыгы буенча көч сынашкан](https://tatar-inform.tatar/resize/shd/images/uploads/news/2024/7/12/be7d28c641223523e0ccae4d0e2e1053.jpg)
Теләче районы ДОСААФ территориясендә «Автоледи-2024» район бәйгесе узды. Бу хакта «Татар-информ»га «Теләче информ» хәбәрчесе Зөлфия Ибраһимова хәбәр итә.
«Гүзәл затларыбыз юл йөрү кагыйдәләрен төгәл белү һәм машина йөртү осталыгы буенча көч сынашты. Конкурсантлар елдагыча ике этапта ярышты. Башта алар юл хәрәкәте кагыйдәләре буенча теоретик имтихан тапшырды, аннан соң махсус күнегүләрне башкарганда җиңел автомобиль белән идарә итү күнекмәләрен күрсәттеләр», – диде ул.
Беренче урынга Теләче авылыннан Дәлия Зиннатуллина лаек булган. «Ул Теләче районы данын яклап, 8 август көнне Казанда үтәчәк республика бәйгесендә катнашу хокукын алды. Дәлия бәйгене оештыручыларның кыйммәтле бүләге – тәгәрмәчкә һава тутыргыч, грамота, сын һәм медаль белән бүләкләнде. Икенче урынга Гөлгенә Сафина лаек булды, өченче урын Наилә Бәдриевага бирелде. Шулай ук барлык катнашучылар да машина өчен мендәр –плед белән бүләкләнде», – диде Зөлфия Ибраһимова.
Кызыклы яңалыкларны күзәтеп бару өчен Телеграм-каналга язылыгыз