Теләче көрәшчеләре Питрәч районында республика турнирында җиңгән
Скопировать ссылку
Бүген Питрәч районында СССРның спорт мастеры Равил Хәйруллин истәлегенә көрәш буенча республика турниры узды. Анда Теләче көрәшчеләре призлы урыннарны алды.
Район көрәшчеләре Алмаз Сәитов (90 кг авырлыкта) беренче, Рамиль Мөхәммәтов (100кг авырлыкта) икенче урынга лаек булды. Бу хакта «Теләче-информ» хәбәр итә.
«Алга таба да зур җиңүләр сезгә, егетләр! Котлыйбыз!», диелгән хәбәрдә.